དུས་སྐབས་མི་འདྲ་པའི་འབྲོག་ཁུལ་མང་ཚོགས་ཀྱི་བྱ་སྤྱོད་ལ་བསྡུར་བ།

点击蓝字关注我们哦！

དེ་རིང་ནི་ཟླ་༤བའི་ཚེས་༡༤ཉིན་ཡུལ་ཤུལ་ལ་ས་ཡོམ་བྱུང་ནས་ལོ་༡༠འགོར་བའི་དྲན་གསོ་བྱེད་པའི་ཉིན་མོ་རེད།ཚང་མའི་མཉམ་དུ་མ་ཎི་ཡིག་དྲུག་ངག་ལ་གྱེར་ནས་འདས་པོར་མྱ་ངན་ཞུ་བ་དང་གསོན་པོར་སྨོན་ལམ་འདེབས།

གངས་རི་གནས་མཆོག་གིས་༢༠༡༨ལོ་ནས་མགོ་བརྩམས་པའི་རང་བྱུང་གནས་རི་ས་ཁུལ་གྱི་མི་དང་རང་བྱུང་ཁམས་བར་གྱི་འབྲེལ་བ་ལ་ཞིབ་འཇུག་བྱས་ཤིང་།རེ་བ་ཡིན་ན་གནས་ཚུལ་མང་པོ་ཤེས་པའི་མི་ལ་བཅའ་འདྲི་བྱས་ཏེ་དུས་སྐབས་མི་འདྲ་པའི་གནས་དེ་མང་ཚོགས་ཀྱི་འཚོ་བ་དང་སྐྱེ་ཁམས་སྲུང་སྐྱོབ་བར་གྱི་འབྲེལ་བའི་འགྱུར་ལྡོག་ལ་རྒྱུས་ལོན་བྱེད་བསམ་ཡོད།དེ་རིང་མཉམ་སྤྱོད་བྱེད་རྒྱུ་ནི་ང་ཚོ༙འི་གྲོགས་པོ་བོན་བདེ་སྒྲོལ་མའི་ཨ་ཕ་དང་ཁ་བརྡ་བྱས་པ་བརྒྱུད་ནས་ཚོར་པའི་འབྲོག་པའི་འཚོ་བའི་འགྱུར་ལྡོག་ཡིན།
༡ གངས་སྐྱོན་དང་གནས་གཤིས་ཇེ་དྲོ།ཡུལ་ཤུལ་ས་ཁུལ་ལ་༢༠༡༩ལོའི་ལོ་སྟོད་དུ་གངས་སྐྱོན་ཆེན་པོ་ཞིག་བྱུང་།བོན་བདེ་སྒྲོལ་མའི་ཨ་ཕ་ད་ལོ་ལོ་༧༢ཡིན་ཞིང་།ཁོ་པས་བཤད་རྒྱུར་ལོ་རབས་༩༠པར་འདི་དང་འདྲ་པའི་གངས་སྐྱོན་ཆེན་པོ་བྱུང་ཞིང་།འབྲོག་ཁྱིམ་མང་པོར་ཆག་སྒོ་ཆེན་པོ་བཟོས་ཡོད།གངས་སྐྱོན་མ་བྱུང་གོང་ལ་ཁྱིམ་ཚང་རེ་ལ་ཆ་སྙོམས་ཀྱི་ནོར་ལུག་བརྒྱའི་གོང་ན་ཡོད་ཅིང་།གངས་སྐྱོན་གྱིས་ཁྱིམ་རེར་ནོར་ལུག་གཉིས་གསུམ་ལས་ལྷག་མེད།༢༠༠༤ལོའི་སྔ་རྗེས་སུ་ཁྲི་འདུ་རྫོང་ཉེ་འཁོར་དུ་གངས་སྐྱོན་ཐེངས་གཅིག་ལ་བྱུང་མྱོང་ཞིང་།ཁྱིམ་རེར་ཆ་སྙོམས་ཀྱི་ནོར་༤༠རེ་མེད་པར་བཟོས་སོང་།གངས་སྐྱོན་མ་བྱུང་གོང་གི་སྔ་ལྟས་ཅི་ཞིག་ཡོད་པ་མང་ཚོགས་ཀྱིས་ཞིབ་ཏུ་བཤད་རྒྱུ་མེད་མོད།འོན་ཀྱང་ལོ་རེར་ཆར་ཆུ་མང་པའི་སྐབས་སུ་ཁ་བ་ཆེན་པོ་འབབ་ཤས་ཆེ་ལ།ད་དུང་རི་མགོ་རུ་གཏན་སྡོད་བྱས་ཡོད་པའི་རི་སྐྱེས་སྲོག་ཆགས་དཔེར་ན།གཙོད་དང་གནའ་སོགས་རིམ་བཞོན་མར་འབབ་པའི་སྐབས་ཀྱི་ཉེ་དུས་ཡང་ཕལ་ཆེར་ཁ་བ་ཆེན་པོ་ཡོད།ད་ལྟའི་གནས་གཤིས་ཇེ་དྲོ་རུ་མང་པོ་ཞིག་སོང་ཡོད་ལ།དངོས་སུ་ཚོར་ཐུབ་པ་ནི་ཚ་བ་ཤིན་ཏུ་ཆེ་པ་དེ་ཡིན།ལོ་རབས་༦༠་རུ་བོན་བདེ་སྒྲོལ་པའི་ཨ་ཕ་སྐྱེ་རྒུ་མདོ་ལ་ཐོག་མ་ཡོང་དུས།སྐབས་དེ་དགུན་ཁར་ཆུ་བོ་ནང་དུ་དར་ཧ་ཅང་མཐུག་པོ་ཆགས་ཤིང་།ནོར་ལུག་གིས་ཆུ་འཐུང་ན་འབར་རྫས་ཀྱིས་དར་གཏོར་དགོས།

གངས་སྐྱོན་རྗེས་ཀྱི་ཕྱུགས་ར།༢ གནས་རི་ལ་བཅངས་པའི་འཇིགས་གུས་ཀྱིས་དུས་རྒྱུན་གྱི་ཚང་མའི་བྱ་སྤྱོད་ལ་ཤུགས་རྐྱེན་ཐེབས་ཡོད།གནས་མཆོག་ཏུ་གཞིས་སྡོད་བྱས་ཡོད་པའི་མི་རྣམས་ཀྱི་ཞིབ་ཀྱི་འཛེམ་བྱ་ནི་ཚན་རིག་གིས་འབྲེལ་བཤད་ཅིག་མེད་ཅིང་།ཚང་མས་དུས་རྒྱུན་དུ་དེ་ནི་གཞི་བདག་གིས་ཆད་པ་ལ་ངོས་འཛིན་བྱས་ཡོད།དཔེར་ན།མི་ཞིག་གིས་གནས་རི་སྟེང་དུ་རི་དྭགས་རྔོན་རྗེས་ཉེ་དུས་ཁོ་ཚང་ལ་གོ་ཆག་རེ་བྱུང་ཚེ་དེ་ནི་གཞི་བདག་གིས་ཆད་པ་བཅད་པར་འདོད།འདི་དང་འདྲ་པའི་བཤད་ཚུལ་ཧ་ཅང་མང་པོ་ཡོད།བོན་བདེ་སྒྲོལ་མས་ཁོའི་ཨ་ཕའི་དངོས་བརྒྱུད་དོན་དག་ཅིག་ང་ཚོ་དང་མཉམ་སྤྱོད་བྱས་བྱུང་།“མི་དམངས་ཀུང་ཧྲེ་དུས་སུ་རྒྱུན་དུ་ལྕུམ་རྩྭ་སློག་ཏུ་འགྲོ་དགོས།སྐབས་དེར་བོན་བདེ་སྒྲོལ་མའི་ཨ་ཕས་ཚོ་དཔོན་ཆུང་པའི་འགན་འཁུར་ཡོད་ཅིང་།ཁོ་ཚོའི་ཚོ་ཆུང་སྔོན་ལ་གྲ་སྒྲིག་བྱ་རྒྱུར་གནས་ཤིག་ལ་ལྕུམ་རྩྭ་སློག་ཏུ་འགྲོ་བསམ་ཡོད།འོན་ཀྱང་དེ་དགོང་མོར་ཁོས་རྨི་ལམ་ཞིག་རྨིས་ཏེ།རྨི་ལམ་དུ་རྟ་དཀར་བོ་ཞོན་ཞིང་གོས་དཀར་བོ་གྱོན་པའི་མི་ཞིག་ཁོ་པའི་མདུན་དུ་ཡོང་ནས་ཧ་ཅང་སྤྲོ་པའི་ཉམས་བསྟན་ཏེ་ཁོ་བསུ་མ་བྱེད་བཞིན་པ་ཞིག་དང་འདྲ།ཞོགས་པར་ཁོས་ཁོ་ཚོ་ལྕུམ་རྩྭ་སློག་པར་འགྲོ་སའི་གནས་རི་དེ་གཞི་བདག་ནི་རྟ་དཀར་བོ་ཞོན་ཞིང་གོས་དཀར་བོ་གྱོན་པ་ཞིག་ཡིན་པ་ཡིད་ལ་དྲན་པས།བོན་བདེ་སྒྲོལ་མའི་ཨ་ཕས་མདང་དགོང་གི་རྨི་ལམ་ལ་ཤུགསབསྟན་ཞིག་ཡོད་བསམ་སྟེ།ཉིན་གཉིས་པར་ཁོ་ཚོ་རི་ཁག་གནས་གཞན་ཞིག་ལ་ལྕུམ་རྩྭ་སློག་ཏུ་སོང་ངོ་།།

རྫོང་སྟུག་པའི་ནགས་རི།

༣ “གསེར་རྩྭའི་”འགྱུར་རིམ།སྔོན་ཆད་དབྱར་རྩྭ་མི་སློག་དོན་ནི་ཆོས་ལུགས་དད་མོས་ཀྱི་རྐྱེན་དང་དཔལ་འབྱོར་ཁེ་ཕན་མེད་པས་རྐྱེན་གྱིས་དབྱར་རྩྭའི་མིང་ལ་ཡང་འགྱུར་བ་མང་པོ་བྱུང་མྱོང་མེད།དབྱར་རྩྭ་དགུན་འབུ་ནི་རྩྭ་ཞིག་མ་མིན་པར་དེ་ནི་སྲོག་ཆགས་ཤིག་ཡིན་ཏེ།དེ་ལའང་ཚེ་སྲོག་ཡོད་པས་དབྱར་རྩྭ་སློག་ན་སྲོག་གཅོད་པ་དང་གཉིས་སུ་མེད།སྔོན་ཆད་བོན་བདེ་སྒྲོལ་མས་རྩྭ་རུ་གྱུར་མེད་པའི་དབྱར་རྩྭ་དགུན་འབུ་མཐོང་མྱོང་ལ།བཤད་རྒྱུར་ལོ་རྗེས་མར་འབུ་དེ་ད་གཟོད་རྩྭ་རུ་གྱུར་འགྲོ།སྔོན་ཆད་དབྱར་རྩྭ་མི་སློག་པའི་ཆེས་གལ་ཆེ་པའི་རྒྱུ་རྐྱེན་ནི་དཔལ་འབྱོར་རིན་ཐང་མེད་པ་དང་ཚེ་སྲོག་ལ་བཅངས་པའི་དད་གུས་ཀྱིས་རྐྱེན་ཡིན།སྐབས་དེ་ལ་ངག་རྒྱུན་དུ་འདི་འདྲའི་བཤད་ཚུལ་ཞིག་ཡོད་དེ།གལ་ཏེ་དབྱར་རྩྭ་ཁྱིམ་ལ་ཁྱེར་ཐོན་ཚེ་ཁྱིམ་གྱི་འོ་མ་ཞོ་རུ་མི་འགྱུར་བ་དང་མར་ཡང་མི་ཡོང་ཞེས་པས་འབྲོག་པས་དེ་ལ་ཤུན་ཏུ་འཛེམ།འོན་ཀྱང་ད་ལྟ་དབྱར་རྩྭའི་གོང་མཐོ་པས་ཁྱིམ་ལ་ཁྱེར་ཡོང་བ་མ་བཤད།ཁྱིམ་ཚང་ལ་ལས་ད་དུང་ཉེན་འགོག་སྒམ་དུ་སྦས་འདུག་གོ།

ཡུལ་ཤུལ་གྱི་སྨན་རྩྭའི་ཉོ་ཚོང་ཁྲོན་ར།

༤ སྒོ་ཟོག་ཁ་གྲངས་ཀྱི་འགྱུར་བ།སྔོན་ཆེན་ཁྱིམ་ཚང་རེ་རེར་ད་ལྟའི་ཁ་གྲངས་དང་འདྲ་པའི་ནོར་ལུག་ཡོད།མི་དམངས་ཀུང་ཧྲེ་དུས་སུ་ནོར་ལུག་ཚང་མ་ཀུང་ཧྲེ་ལ་དབང་ཞིང་།ཀྭང་ཧྲེས་མཉམ་དུ་འཚོ་བ་ཡིན་པས།རྩྭ་ར་མང་པོ་ཞིག་བཀོལ་སྤྱོད་བྱེད་ཀྱིན་མེད།དེ་བས་རྩྭ་ས་ཤུན་ཏུ་བཟང།སྐབས་དེར་རྟ་ཞོན་ཏེ་སོང་ན་རྟའི་རྨིག་པར་རྩྭས་དཀྲི་འདུག།འོན་ཀྱང་ཕྱུགས་ཡོང་རྫོགས་གནས་གཅིག་ཏུ་འཚོ་བས་ཕྱུགས་ཀྱི་ཁ་གྲངས་ལ་འགྱུར་བ་ཆེན་པོ་བྱུང་མེད།བཅོས་བསྒྱུར་སྒོ་འབྱེད་ཀྱི་རྗེས་སུ།ནོར་ལུག་སྒེར་ལ་བགོས་པས་ནོར་ལུག་གི་ཁ་གྲངས་ཀྱང་རིམ་གྱི་འཕར།མི་དམངས་ཀུང་ཧྲེ་དུས་སུ།ནོར་ལུག་སྟོང་ཁྲག་མང་པོར་མི་གཉིས་གསུམ་ཞིག་གིས་དོ་དམ་བྱེད་བཞིན་ཡོད་ཅིང་།ཕྱུགས་འཚོ་སའི་རྩྭ་སའང་མང་པོ་མེད།ཁོ་ཚོས་གང་གི་རྩྭ་བཟང་ན་དེ་རུ་འཚོ་བ་མ་ཡིན།ད་དུང་དོ་དམ་བྱས་ནའང་ཧ་ཅང་དཀའ་ལས་ཡོད།ནངས་སྔ་ལངས་བྱས་ནས་ལུག་འཚོ་རུ་འགྲོ་དགོས་པ་དང་དགོང་མོ་ཡང་བསྐྱར་ཕྱིར་ཐོན་དགོས།ད་དུང་གཅན་གཟན་གྱིས་གསོད་པའང་སྔོན་འགོག་བྱེད་དགོས་པས་རྐྱེན་གྱིས་ས་ཐག་རིང་པོར་ཕྱུགས་འཚོ་རུ་མི་འགྲོ།དུས་རྒྱུན་དུ་འདི་ལྟར་བྱས་པས་རྩྭ་ས་ཇེ་ཞན་དུ་སོང་ཞིང་ནོར་ལུག་གི་ཁ་གྲངས་ཀྱང་འཕར་མ་ཐུབ།བཅོས་བསྒྱུར་སྒོ་འབྱེད་ཀྱི་རྗེས་སུ།ཁྱིམ་རེ་ལ་ཆེས་མང་དུས་ནོར་ལུག་བཅུ་ཁ་རེ་བགོས་ཡོད་ཅིང་།འབྲོག་པ་ཚོར་མཚོན་ན་དེ་ཚོ་ནི་རང་གི་གཅེས་ཕྲུག་ལྟ་བུ་ཡིན་པ་མ་ཟད།མི་གཅིག་གིས་འཚོ་ཐུབ་ཅིང་རྩྭ་ཆུ་མཛོམས་སར་འཚོ་རུ་སོང་ཆོག་པས།ནོར་ལུག་གི་ཁ་གྲངས་ཀྱང་ཡར་ངོས་ཟླ་ལྟར་འཕར།ད་ལྟ།གལ་ཏེ་ཁྱིམ་ཚང་གཅིག་ལ་ནོར་ལུག་གཉིས་ཀ་ཡོད་ཚེ།མི་གཉིས་ཀྱིས་འཚོ་དགོས་ཤིང་།མི་མང་པོ་ཞིག་གིས་ཁུར་པོ་ཇེ་ཡང་དུ་གཏོང་ཆེད་ནོར་གཅིག་པུ་ལས་འཚོ་བཞིན་མེད།ད་དུང་རྒྱུ་རྐྱེན་ཞིག་ཡོད་པ་ནི་དགུན་ཁར་བེའུ་བཙས་ཀྱང་འཁྱགས་ཕྱིད་བྱས་ནས་ཤི་འགྲོ་ལ་སེམས་ཁྲེལ་བྱེད་མི་དགོས།འོན་ཀྱང་ལུ་གུ་ཤི་འགྲོ་ཞིང་།ད་དུང་ནོར་གྱི་འོ་མའང་ལུག་ལས་བཟང་བས་མི་རྣམས་ཀྱིས་ལུག་ལས་ནོར་འཚོ་བར་དགའ་འོ།།

འབྲོག་པ་དང་ལུག་ཁྱུ།

༥ “ཚེ་སྲོག་མེད་པས”་“ཚེ་སྲོག་ཅན་”འཚོ་བས་གྱིས་ཕྱུགས་འཚོའི་བྱེད་སྟངས་ཀྱི་འགྱུར་བ།འཕྲུལ་རྟར་ཞོན་ཏེ་ཕྱུགས་འཚོ་བ་ནི་མི་གཙོ་བྱས་ཏེ།རང་གི་ལུས་ཤུགས་གྲོན་ཆུང་བྱས་པ་གཞི་བྱས་ནས་རྩྭ་ས་བདག་པོ་བྱེད་པ་དེ་ཡིན།དེ་ནས་ཁེ་ཕན་ཇེ་ཆེ་བཏང་སྟེ།ནོར་ལུག་ལ་དབྱར་ཁ་རྩྭ་ཡོད་པ་མ་ཟད་དགུན་ཁ་ཡང་རྩྭ་ཡོད་པ་དེ་ཡིན།འབྲོག་པར་མཚོན་ན་ལྕགས་ར་ནི་ཤུན་ཏུ་བཟང་ཞིང་།ཕྱུགས་འཚོ་བ་ལ་སྟབས་བདེ་སྐྲུན་ཡོད།འོན་ཀྱང་བོན་བདེ་སྒྲོལ་མའི་ཨ་ཕས་ནོར་ལུག་ལ་མཚོན་ན་དེ་འདྲ་མིན།འཕྲུལ་རྟར་ཞོན་ཏེ་ཕྱུགས་འཚོ་བ་ནི་ང་ཚོའི་སྲོལ་རྒྱུན་གྱི་ཕྱགས་འཚོ་བའི་རིན་ཐང་ལྟ་བ་དང་འགལ་ཡོད་དེ།གཅིག་ནི་སྲོག་ལྡན་（ནོར་ལུག）དང་ཅིག་ཤས་ནི་སྲོག་མེད（འཕྲུལ་རྟ）ཡིན།ཡང་གཅིག་བཤད་ན།འཕྲུལ་རྟ་ནི་དེ་འདྲའི་མགྱོགས་པོ་ཞིག་ཡིན་ལ།ནོར་ལུག་དེ་དང་བསྡུར་ཐབས་བྲལ།ཕྱུགས་འཚོ་དུས།ནོར་ལུག་མགྱོགས་པོར་འདེད་མི་རུང་ཞིང་།ཕྱོགས་ཀ་བའི་ལུག་འདེད་པའི་སྐབས་སུ་ཕྱོགས་ཁ་བའི་ལུག་གིས་རྩྭ་ཟ་ཐུབ་པའི་ཕྱུགས་འཚོ་ཐབས་ནི་ཧ་ཅང་བཟང་བའི་ཕྱུགས་འཚོ་ཐབས་ཤིག་ཡིན།ནོར་ལུག་དང་འབྲེལ་འདྲེས་བྱེད་པ་ནི་མི་དང་འབྲེལ་འདྲེས་བྱེད་པ་དང་མཚུམས་ཤིང་།ཁྱོད་ཀྱིས་ཁོ་ཚོར་ཤ་ཚ་ཚེ་ཁོ་ཚོའང་རང་བཞིན་ཡིན།འོན་ཀྱང་འཕྲུལ་རྟ་ཞོན་ནས་ཕྱུགས་འཚོ་པ་ནི་འདྲ་མཉམ་མིན་པས་དེ་ལ་དགའ་བོ་མེད།དཔེ་ཞིག་བཞག་ན།འཕྲུལ་རྟ་ཅན་ཞིག་དང་ཁྱོད་གཉིས་རྒྱུག་འགྲལ་བྱེད་པ་དང་མཚུངས།དེ་ནས་ལྕགས་ར་ནི་རྩྭ་སར་བདག་པོ་བྱེད་ཆེད་དང་རྩྭ་སའི་འཕྲོག་རྩོད་ཇེ་ཉུང་གཏོང་ཆེད་ཡིན་པས་བཟང་ངོ་།།

“ཚེ་སྲོག་མེད་པའི་”འཕྲུལ་རྟ།

༦ འབྲོག་པ་བཟང་བོ་ནི་ཅི་འདྲ་ཞིག་ཡིན།འབྲོག་པ་ཚང་མར་རང་ལ་དབང་བའི་དབྱར་ས་དང་སྟོན་ས།དགུན་ས་བཅས་ཡོད།འདི་ལྟར་བགོ་དོན་ནི་རྒྱུ་མཚན་ཡོད་དེ།དབྱར་ས་ནི་རི་མཐོ་སར་ཡོད་ཅིང་།སྟོན་ས་དེ་ལས་དམའ་བ།དགུན་ས་ནི་དེ་ལས་དམའ་བའི་ཐང་ན་ཡོད།འདི་ཚང་མ་གནམ་གཤིས་དང་དྲོད་ཚད་སོགས་ལས་དབྱེ་བ་ཡིན་ཞིང་།འདི་ལྟར་བགོས་པས་རྩྭ་ས་ལ་བཀོལ་སྤྱོད་ཡག་པོ་ཞིག་བྱེད་ཐུབ་སོང་།བོན་བདེ་སྒྲོལ་མའི་ཨ་ཕས་བཤད་རྒྱུར།ནོར་ལུག་ལ་ཤ་ཚ་མིན་ནི་དེ་འབྲོག་པ་བཟང་བོ་ཞིག་ཡིན་མིན་གྱི་ཚད་གཞི་ཡིན།རྒྱུན་དུ་ལོ་གཞོན་པའི་འབྲོག་པ་ཚད་གཞི་དང་མི་ལོན།རྒྱུ་མཚན་ནི་ཁོ་ཚོས་འཕྲུལ་རྟ་ཞོན་ནས་ལུག་མི་འདེད་རུང་།ཐབས་ཤས་སྣ་ཚོགས་བཀོད་ནས་ལུག་མགྱོགས་པོར་དེད་ཡོང་།འབྲོག་པ་བཟང་བོ་ཞིག་གིས་འདི་ལྟར་མི་བྱེད་པར།ནོར་ལུག་ལ་ཧ་ཅང་འཇམ་པོ་ཡིན།གལ་ཏེ་དགོང་མོ་ནོར་ལུག་འདེད་ཡོང་དགོས་ཚེ་ཕྱི་དྲོ་ནས་དལ་མོར་དེད་ཡོང་།ནོར་ལུག་གིས་རང་དགར་གྱིས་རྩྭ་ཟ་ཐུབ་ལ་ཆུའང་འཐུང་ཐུབ།

ཕྱུགས་འཚོ་བའི་འབྲོག་པ།

༧ དྲེད་མོང་ལ་རྐང་མཛུབ་གཞུག་མ་མེད།—རི་སྐྱེས་སྲོག་ཆགས་དང་འབྲེལ་ཡོད་ཀྱི་ངག་རྒྱུན།སྔོན་ཆད་ངག་རྒྱུན་ཞིག་ཡོད་དེ།དྲེད་མོང་གི་རྐང་མཛུབ་གཞུག་མ་རྟས་སྤོས་ཏེ་ཆད་སོང་།དེ་བས་དྲེད་མོང་སྐྲག་ས་ནི་རྟ་ཡིན་ཞེས་བཤད་ཚུལ་ཡོད།འོན་ཀྱང་ད་ལྟ་དེ་འདྲ་བཤད་ཀྱིན་མེད་དེ།དྲེད་མོང་འབྲོག་པའི་སྡོད་ཁང་དུ་གང་དགར་འགྲོ་བཞིན་འདུག།གཞི་བདག་མང་པོ་ཞིག་གི་ཞོན་པ་ནི་ཤྭ་བ་མཆུ་དཀར་ཡིན་པས་ངག་རྒྱུན་ལ་ཤྭ་སྐྱ་ནི་གཞི་བདག་གིས་མགོན་སྐྱབས་བྱེད་པའི་སྲོག་ཆགས་ཤིག་ཡིན་ཞེས་བཤད།དེ་བས་རྒྱུན་ལྡན་མི་རྣམས་ཀྱིས་ཤྭ་བ་མཆུ་དཀར་མི་རྔོན་ཞིང་།གལ་ཏེ་བསད་ཚེ་གཞི་བདག་གིས་ཆད་པ་ཡོད་སྙམ།འཕྱི་བ་ལ་འདི་འདྲའི་ངག་རྒྱུན་ཞིག་ཡོད་དེ།“ནུས་པ་དང་རྒྱུ་སྟོབས་ཅན་གྱིས་ང་རྔོན་པར་ལེ་ལོ་སྐྱེས་ཤིང་།ནུས་པ་མེད་པས་ང་རྔོན་པའི་ཐབས་ཤེས་མེད།”ཅེས་བཤད་རྒྱུན་ཡོད།འདི་ལྟར་བཤད་དོན་ནི་འཕྱི་བ་ལ་དོང་ཡོད་ཅིང་འབྲོ་བའི་ཐབས་ཤེས་ཀྱང་མང་།སྔོན་ཆད་ཆེད་དུ་འཕྱི་བ་བསད་ནས་འཕྱི་བའི་ཤ་ཟ་ཞིང་འཕྱི་པགས་གྱོན་པའི་ཁྱིམ་ཚང་ཡོད།འཕྱི་བ་ལ་དྲི་ངན་ཞིག་ཡོད་པས་མི་རྣམས་ཀྱིས་ཁྱིམ་འདི་དག་ལ་འཛེམ་ཞིམ་འབྲེལ་བའང་མི་བྱེད།ད་ལྟ་འཕྱི་བ་གསོད་པའི་མི་མེད་པས་འཛེམ་བྱ་འདི་ཡང་མེད་སོང་ངོ་།། 

ཁྲུང་ཁྲུང་སྐེ་ནག

ཡིག་བསྒྱུར་བ། སྐལ་བཟང་འབུམ།མཚོ་སྔོན་དགེ་འོས་སློབ་ཆེན་མི་རིགས་དགེ་འོས་སློབ་གླིང་༡༨རྩོམ་རིག་འཛིན་གྲྭ།
འབྲེལ་ཡོད་རྩོམ་ཡིག་ཀློག་པ།གནས་རི་དང་རང་བྱུང་ཁམས།
བླ་མཚོ་དང་རི་སྐྱེས་སྲོག་ཆགས།
ཁོར་ཡུག་སྲུང་སྐྱོབ་བྱེད་པའི་ལམ་བུ།

如果您恰好是三江源当地老百姓或是本地兽医，希望里可以扫描下方二维码，参与野生动物救助的调查问卷，帮助我们找到最优的解决方案。

欢迎大家扫描填写【三江源地区野生动物救助的调查问卷】

也欢迎你扫码支持雪境的野生动物救助众筹项目

帮助我们每一个生命都能共享雪山圣境

温馨提示：欢迎大家转发

转载或应用文字和图片请与我们联系！